ខេត្តកំពង់ធំ ៖ រដ្ឋបាលខេត្តកំពង់ធំ នៅថ្ងៃទី០៥ ខែឧសភា ឆ្នាំ២០២១ បានចេញសេចក្ដីប្រកាសព័ត៌មានរកឃើញអ្នកវិជ្ជមានជំងឺកូវីដ១៩ ចំនួន០១នាក់ទៀត។ រដ្ឋបាលខេត្តថានេះបើយោងតាមលទ្ធផលនៃការវិភាគសំណាកដែលផ្តល់ដោយវិទ្យាស្ថានប៉ាស្ទ័រនៅថ្ងៃទី០៥ ខែឧសភា ឆ្នាំ២០២១។
បុគ្គលដែលខេត្តកំពង់ធំប្រកាសបថាមានវិជ្ជមានជំងឺកូវីដ១៩ ខាងលើឈ្មោះ ចេង គីមថាក់ ភេទប្រុស អាយុ៥១ឆ្នាំ នៅភូមិលាបទង ឃុំកំពង់ចិនត្បូង ស្រុកស្ទោង។
អ្នកជំងឺកូវីដ១៩ ខាងលើ ត្រូវបានដាក់ឲ្យធ្វើចត្តាឡីស័កនៅមណ្ឌលសាលាបឋមសិក្សាឈើទាល និងបានយកសំណាកទៅវិភាគនៅវិទ្យាស្ថានប៉ាស្ទ័រកាលពីថ្ងៃទី៣០ ខែមេសា ឆ្នាំ២០២១ ហើយទទួលបានលទ្ធផល វិជ្ជមាននៅថ្ងៃទី០៥ ខែឧសភា ឆ្នាំ២០២១។ បច្ចុប្បន្ន អ្នកជំងឺកូវីដ១៩នេះ ត្រូវបានបញ្ជូនទៅសម្រាកព្យាបាល មណ្ឌលវិទ្យាល័យ ជា ស៊ីម ប្រឡាយ។
នៅរដ្ឋបាលខេត្ត សូមអំពាវនាវដល់បងប្អូនប្រជាពលរដ្ឋ ដែលមានការពាក់ព័ន្ធជាមួយអ្នកវិជ្ជមានខាងលើ សូមរួសរាន់ទៅផ្ដល់សំណាកដើម្បីវិភាគរកមេរោគកូវីដ១៩ នៅសាលាបឋមសិក្សាឈើទាល ក្នុងភូមិឈើទាល ឃុំកំពង់ចិនត្បូង ស្រុកស្ទោង៕
